 |
|
Эсэгынгээ нэрые нэрлyyлээ
Доржо Банзаровай нэрэмжэтэ багшанарай дээдэ hургуулиин тyрyyшын ректор Мархоз Петрович Хабаевай эрдэмтэ уг гарбалай yринyyдынь мyнoo yедэ Монгол, Венгри гyрэнyyдтэ, Москва, Улаан-Yдэ хотонуудта ажаhуудаг. Мархоз Петрович инаг нyхэр Елена Карповнатаяа 4 басагадтай боложо, дээдэ эрдэмтэй болгоhон байна.
Айлай эгээ эгэшэ басаган Роза Викторовна Хабаева Зyyн зyгые шэнжэлэлгын эрдэмэй институдай хyдэлмэрилэгшэ, тyyхын эрдэмэй кандидат юм. Роза Викторовна аша басагадтаяа Москва хотодо ажаhуудаг.
Хабаевтанай хоёрдохи басаганиинь - Илиада Мархозовна Хабаева Москвагай ГИТИС-эй hyyлээр Улаан-Баатарта ошожо, Монголой оперо болон баледэй театрай балетмейстерээр бyхы наhаараа хyдэлoo. Илиада Мархозовнагай yри хyyгэдынь, дээдэ гарай мэргэжэлтэд, Венгри гyрэндэ ажаhууна.
Хабаевтанай ажаhууhан Улаан-Yдын гэртэ мyнoo yедэ Генриетта басаганиинь гэр бyлэтэеэ байдаг. Генриетта Мархозовна биологиин эрдэмэй кандидат, СССР-эй, РСФСР-эй арадай гэгээрэлэй отличник, БГУ-гай зоологиин кафедрын доцент мyн.
Бага одхон басаганиинь - Индра Мархозовна Хабаева экономикын эрдэмэй кандидат, БГУ-гай экономикын болон хyтэлбэрилгын hалбариин декан.
Шэг шарайгаараа одхон басаганиинь абадаа адли гэжэ олон хyн хэлэдэг байна. Харин Генриетта Мархозовнагай заажа байха yедэ хараhан, шагнаhан хyн "одоол абадаа адли заана даа" гэжэ хэлэдэг юм.
Асуудалнуудта харюусагты:
1. Мархоз Петрович Хабаев ямар уг гарбалтайб?
2. Тэрэ хэды yхибyyдтэйб?
3. Басагадынь ямар мэргэжэлтэйб?
4. Хэниинь абадаа адлиб?
Д-1. Скажите, какое из этих высказываний ближе к тексту?
1. Yхибyyдынь эсэгынгээ нэрэ хyндэлжэ, ажалдаа амжалтатай ябана.
2. Yринэрынь угайнгаа нэрэ дээрэ yргэжэ ябана.
Д-2.Какие известные семейные династии вы еще знаете? Расскажите о них.
У-7. Прочитайте объявления из газеты и, опираясь на эти данные, составьте мини-рассказы об этих людях.
абн.108. 44 наhатай, багша мэргэжэлтэй, бодонгууд угай эхэнэр ooрын наhанай hайн hанаатай эрэ хyнтэй танилсаха хyсэлэнтэй*.
абн.109. 33 наhатай, дээдэ мэргэжэлтэй, 9 наhатай хyбyyтэй, гэр байратай эхэнэр Улаан-Yдэдэ ажаhуудаг, yндэр (170 см.), томо бэетэй, ажалша бэрхэ, хooрyy эрэ хyнтэй танилсаха хyсэлэнтэй.
танилсаха хyсэлэнтэй* - желает познакомиться
Д-1. Переведите.
абн.110. Познакомлюсь с добрым, симпатичным, состоятельным, трудолюбивым мужчиной, можно с ребенком, с а/м.
О себе: 36-158, материально обеспечена, трудолюбива, приятной внешности.
Д-2. Напишите объявление о себе в рубрику «Та бидэ хоёр танилсая» газеты «Буряад yнэн».
У-8.Прослушайте песню и скажите, какие районы Бурятии упоминаются здесь; каких районов здесь нет. Разучите эту песню.
Хаанахинайл ааб?
Yгэнь Ч.-Р. Намжиловай Хyгжэмынь Д.-Д. Жалсараевай
Айдархан дyyхэйшни хаанахинайл ааб,
Алайрай, Боохоной гэжэ дуулааб.
Анханайнь нютагаар яахал гээбши,
Аягтай согтойень сэгнышэ.
Сэбэрхэн дyyхэйшни Сэлэнгын аад,
Сэхэеэ хэлэдэггyй гэжэ дуулааб.
Сэлэнгын, Агын гy, яахал гээбши,
Сэдьхэлэйнь hайханиие сэгнышэ.
Баталhан гансашни Баргажанайл аад,
Бардамхан зантай юм гэжэ дуулааб.
Баргажан, Яруунаар яахал гээбши,
Баяртай согтойень сэгнышэ.
Буряадхан оромнай уужамхан даа,
Буусаараа илгараад яахамнайб даа.
Бууралхан аба эжын yлгы юм даа,
Бултанай жаргаха нютаг юм даа.