Здавалка
Главная | Обратная связь

Номенклатурасы, стереоизомериясы. 8 страница



Мақсаты: сутек иондарының концентрациясынпотенциометрлік титрлеу әдісі бойынша анықтау.

Аналитикалық реакция:

HCl + NaOH = NaCl + Н2О

H+ + OH- = Н2О

Гальваникалық элемент:

Ag, AgCI |HCI| стекло |Н+| зерттелетін ерітінді |KCI| AgCI, Ag

шыны электроды рН -? хлоркүміс электроды

Жұмыс барысы: Бюретканы натрий гидроксидінің титрленген ерітіндісімен толтырады, нөлдік деңгейге келтіреді. Асқазан сөлінің үлгісі болып табылатын хлорсутек қышқылының ерітіндісінен 10 мл стақанға пипеткамен өлшеп құяды. Стақанды магнитті араластырғышқа қояды. Одан кейін рН-метрге жалғанған шыны мен хлорсутек электродтарын батырады. Ерітіндіні араластыра отырып,хлорсутек қышқылының бастапқы ерітіндісінің рН-ын өлшейді. Бюреткадан зерттелетін ерітіндіге 2 мл-ден натрий гидроксидінің титрленген ерітіндісіненбіртіндеп құя отырып, рН-ын өлшеп отырады. рН-тың кенет секіру мәнінен тағы титрлеуді 3 рет рН шамасын алғанша жалғастырады. Титрлеу нәтижелерін кестеге жазады.

Талдау нәтижелерінің есебі:

Хлорсутек қышқылы ерітіндісінің аликвотты көлемі V(HCl) = 10 мл.

натрий гидроксиді ерітіндісінің концентрациясы С(NaOH) = 0,1 моль/л

 

V(HCI), мл V(NaOH),мл рН ∆V=Vn+1-Vn ∆pH=pHn+1- pHn ∆pH/∆V
           

10-14 қатар

Алынған мәліметтер бойынша екі график тұрғызады:

· абсцисса осіне натрий гидроксидінің құйылған ерітіндісінің көлемін, ал ордината осіне сәйкес рН-тың мәндерін сала отырып, интегралдық рН ~ f(V(NaOH))титрлеу қисығының;

· абсцисса осіне натрий гидроксидінің құйылған ерітіндісінің көлемін, ал ордината осіне сәйкес рН-тың өзгерісінің натрий гидроксидінің көлемінің өзгерісіне қатынасының мәндерін сала отырып, дифференциалдық ∆pH/∆V ~ f(V(NaOH))титрлеу қисығының;

· эквиваленттік нүктені анықтайды (дифференциалдық титрлеу қисығындағы максимал мәні). Эквиваленттік нүктеден абсцисса осіне түсірілген перпендикуляр хлорсутек қышқылының ерітіндісін бейтараптауға жұмсалынған натрий гидроксиді ерітіндісінің көлеміне сәйкес келеді.

HCl молярлық концентрациясын есептеу:

С(НСl)=

рН = -lg CH+

Қорытынды: анықталған хлорсутек қышқылының ерітіндісінің концентрациясын және рН-н көрсетіңіз.

 

 

№6 Тәжірибелік сабақ

ТАҚЫРЫП: Гомофункционалды көмірсутектері туындыларының реакцияға түсу қабілеттіліктері. Спирттерге, фенолдарға, аминдерге, альдегидтерге, кетондарға және карбон қышқылдарына сапалық реакциялар.

МАҚСАТЫ:

1. Спирттер, тиолдар, аминдер және карбонилді қосылыстардың құрылысы, жіктелуі және химиялық қасиеттерінің заңдылықтары туралы білімді реакциялардың схемаларын жазу үшін қолдана білуге үйрету.

2. Спирттер, тиолдар, аминдер және карбонилді қосылыстардың химиялық қасиеттері және сапалық реакциялары арқылы оларды ерітінділерден анықтауды көрсете білу және алынған нәтижелерді дәледеу дағдыларын қалыптастыру.

 

ОҚЫТУ МАҚСАТТАРЫ:

Білім алушының мүмкіндігі бар:

1) Молекуланың реакциялық орталығын және оның ерекшелігін анықтауға: қышқылдық, негіздік, электрофильді немесе нуклеофильді екендігін және реакцияға түсу қабілеттіліктерін бағалауға.

2) Спирттер, тиолдар, аминдер және карбонилді қосылыстардың құрылыстарына қарай реакцияларға түсу қабілеттіліктерін салыстыра білуге.

3) Көпатомды спирттер, альдегидтер, кетондар, карбон қышқылдарының химиялық қасиеттері туралы білімді қолдана отырып, оларға сапалық реакциялардың нәтижелері туралы тұжырым жасауға.

4) Оқытушының берген қосылыстар реакцияларының схемаларын жаза білуге.

 

ТАҚЫРЫПТЫҢ НЕГІЗГІ СҰРАҚТАРЫ:

1) Спирттер, фенолдар, тиолдар, аминдер және қышқылдардың қышқылдық-негіздік қасиеттері.

2) Тотығу реакциялары:

· біріншілік және екіншілік спирттердің;

· екіатомды фенолдардың;

· тиолдардың жұмсақ тотығуы;

· альдегидтердің күміс және мыс (II) гидроксидтерімен тотығуы.

3) Альдегидтер мен кетондардың тотықсыздану реакциялары.

4) Көпатомды спирттер мен фенолдарға сапалық реакциялар.

5) Аминдердің алкилденуі, ацилденуі және дезаминденуі.

6) Альдегидтер мен кетондарға тән реакциялар (сумен, спиртпен,тиолмен).

7) Органикалық және бейорганикалық қышқылдармен жәй және күрделі эфирлердің, амидтердің түзілуі.

8) Альдолды қосылу реакциялары. Бұл реакцияларл\дың биологиялық маңызы.

9) Дикарбон қышқылдарының қасиеттері: декарбоксилденуі және циклді ангидридтердің түзілуі.

Оқыту мен сабақ беру әдістері:

Әдіс - құрастырылған:

1) құрастырылған сұрау (ауызша сұрау, кіші топтармен жұмыс, жазбаша сұрау);

2) үйге берілген тапсырманы тексеру.

Оқыту құралдары: оқу кестелері, тақырып бойынша суреттер, тестілік тапсырмалар, билеттер.

Сабақтың хронометражы

Мазмұны Әдістемелік жабдықтар Уақыт, мин
1. Кіріспе бөлімі(ұйымдастыру кезеңі) Оқу журналы   1. 5    
2. Ауызша сұрау   Силлабус, Оқытушыларға арналған сценарииі көрсетілген әдістемелік нұсқаулар 2. 20  
3. Зертханалық жұмыс Силлабус 3. 15
4. Нәтижелерді талдау және хаттамаларды толтыру. Силлабус 4. 10
Үзіліс 10 минут
5. Кіші топтармен жұмыс істеу Зертханалық жұмыстарға тапсырма беру 5. 15
6. Үйге тапсырманы тексеру (жаттығулар, ситуациялық есептер мен тестілік тапсырмалар). Қиын тапсырмаларды талдау. Жаттығулар, тестілік тапсырмалар   6. 10    
7. Жазбаша сұрау Жазбаша сурауларға арналған билеттер, тестілік тапсырмалар 7. 20
8. Қорытындылау Оқу журналы 8. 5

Кіші топтармен жұмыс істеу:

Студенттер уш топқа бөлінеді, әр топқа оқытушы орындауға зертханалық жұмыстарды бөліп береді.

Жұмыс алдында ауызша сол тақырыпқа талдау жүргізіледі. Студенттер берілген тапсырмаларды шағын топта талдайды, одан кейін бір студент сол топтан жауап береді. Зертханалық жұмыстардың бәрін талдап толық бітірген топ ең жоғары бағаланады. Талдау кезінде оқытушы студенттердің жұмысын бақылайды және түзетулер енгізеді.

ӘДЕБИЕТТЕР:

Негізгі:

  1. Тюкавкина Н.А., Бауков Ю.И. Биоорганическая химия. - М., 2006. – С. 182-214, 221-224.

2. Асанбаева Р.Д. Биоорганикалық химиядан 1-ші курс студенттерінің өзіндік жұмысына арналған оқу-әдістемелік құрал. - Алматы. 2004.– 40-86 б.

  1. Асанбаева Р.Д., Салыкова Ш.Г. Биоорганикалық химиядан практикум. -Алматы. 2003.–Лабораториялық жұмыстар № 26,27,28.
  2. Асанбаева Р.Д., Илиясова М.И., Салыкова Ш.Г. Биоорганикалық химиядан емдеу, бала емдеу, санитария-гигиена, тіс емдеу факультеттерінің 1-ші курс студенттерінің өзіндік жұмысына арналған әдістемелік құрал - Алматы. 2003.– 14-16 б.

Қосымша:

1. Патсаев А., Жайлауов М., Органикалық химия негіздері, Алматы,Білім, 1996ж.

2. Степаненко Б.Н. Курс органической химии, М., 1991г.

3. Артеменко А.Н. Органическая химия. Теоретические основы, углубленный курс. М., 1997г.

4. Шайхутдинов Е.М.., Тореханов Т.М., Шарифханов А.Ш., Органикалық химия, Алматы,1999ж.

Зертханалық жұмыстар:

Студенттер хаттаманы жазады (реакциялардың химизімін, бақылауды және негізгі қорытындыларын). Оқытушы студенттердің тәжірибелік дағдылану жұмыстары барысын бақылайды.

 

ЗЕРТХАНАЛЫҚ ЖҰМЫСТЫ ДҰРЫС ЖАЗУ МЫСАЛЫ

Күні:

Тақырыбы:Гомофункционалды көмірсутектері туындыларының реакцияға түсу қабілеттіліктері. Спирттерге, фенолдарға, аминдерге, альдегидтерге, кетондарға және карбон қышқылдарына сапалық реакциялар.

№1 Жұмыс. Спирттер мен фенолдардың суда ерігіштіктері.

Реакциялардың химизмі:

1. С2Н5ОН + Н2О мөлдір ерітінді

этил спирті

2.

+ Н2О лай ерітінді

3-метилбутанол-1

 

3.

+ Н2О мөлдір ерітінді

глицерин

4.

+ Н2О лай ерітінді

фенол

 

БАҚЫЛАУ:

Этил спирті мен глицерин ерітінділері мөлдір, ал изоамил спирті мен фенол ерітінділері лай екендігі байқалды.

ҚОРЫТЫНДЫЛАР:

Төменгі молекулалы спирттер, мысалы этил спирті суда жақсы ериді. Көмірсутек радикалдарының артуына қарай, мысалы изоамил спиртінің ерігіштігі төмендейді. Глицерин молекуласында гидроксил топтарының саны көп болғандықтан оның ерігіштігі артады.

№ 1 ЖҰМЫС. спиртТЕР МЕН ифенолДАРДЫҢ СУДА ЕРІГІШТІКТЕРІ.

Реактивтер: спирттер: этил, изоамил, глицерин; фенол.

Үш пробиркаға 2-3 тамшыдан этил спиртінің, изоамил спиртінің, глицериннің ерітінділерін тамызады, төртінші пробиркаға фенолдың 1-2 кристалын салады (Сақ болыңыз! Қолмен алмаңыз!). Этил спирті мен глицерин мөлдір ерітінді, ал изоамил спирті мен фенол лай ерітінді түзеді.

Реакциялардың химизмі:

 

Гидроксилді топтары бар көмірсутектерінің туындылары сумен сутектік байланыс түзеді.

Осының нәтижесінде төменгі молекулалы спирттер суда жақсы ериді.Радикалдарының артуына қарай ерігіштіктері төмендейді.Молекулада гидроксил топтарының көбеюіне қарай оның ерігіштігі артады.Этил спирті мен глицерин ерітінділері бар пробиркаларды келесі тәжірибелер үшін сақтаңыздар.

 

№ 2 ЖҰМЫС. спиртТЕР МЕН фенолДАРДЫҢ индикаторҒА ӘСЕРІ.

Реактивтер:көк лакмус қағазы

Этил спирті, глицерин және фенол бар пробиркалардағы ерітінділерге (1 жұмыс) лакмус қағазын батырады. Оның түсі өзгермейді. Спирттерді бейтарап қосылыстар деп есептеуге болады. Фенолдар суда қышқылдық қасиет көрсететін болғандықтан диссоцияцияланады.

Реакцияның химизмі:

 

Бірақ фенол өте әлсіз қышқылдық қасиет көрсетеді. Ол көмір қышқылынан да әлсіз болғандықтан лакмус қағазының түсін өзгертпейді.

 

№ 3ЖҰМЫС. ГЛИЦЕРИННІҢ СІЛТІЛІК ОРТАДА МЫС (II) ГИДРОКСИДІМЕН ӘРЕКЕТТЕСУІ.

Реактивтер:глицерин, 10% натрий гидроксидінің ерітіндісі, 2% мыс сульфатының ерітіндісі.

Пробиркаға 2-3 тамшы натрий гидроксидінің, 1тамшы мыс сульфатының ерітінділерін тамызады, мыс гидроксидінің көк түсті тұнбасы түзіледі.

Тұнбаға 1тамшы глицерин ерітіндісін тамызады да шайқайды. Тұнба ериді де қою-көк түсті мыс глицератының ішкі комплексті қосылысы түзіледі.

Реакцияның химизмі:

 

Мұндай қосылыс түрін хелатты қосылыс (грек тілінен - хеле - қайшы тәрізді) деп атайды. Мыс глицератының сілтілік ерітіндісі зәрдегі глюкозаны ашуға қолданылады.

Реакцияның химизмі:

 

№ 4 ЖҰМЫС. НАТРИЙ ФЕНОЛЯТЫН АЛУ ЖӘНЕ ОНЫҢ ТҰЗ ҚЫШҚЫЛЫ-МЕН ЫДЫРАУЫ.

Реактивтер:10% натрий гидроксидінің ерітіндісі , 7% тұз қышқылының ерітіндісі.

Фенолдың судағы лай ерітіндісіне (1жұмыс) тамшылатып мөлдір натрий феноляты түзілгенше натрий гидроксидін тамызады.

Реакцияның химизмі:

Спирттерге қарағанда фенолдар әлсіз қышқылдық қасиет көрсететіндіктен, олар метал натриймен ғана емес натрий гидроксидімен де әрекеттесіп натрий фенолятын түзеді. Ерітіндіге бірнеше тамшы тұз қышқылын лайланғанша тамызады. Бұл фенолдың бөлініп шыққандығын білдіреді.

Реакцияның химизмі:

 

№ 5 ЖҰМЫС. ЭТИЛ СПИРТІНІҢ ХРОМ ҚОСПАСЫМЕН ТОТЫҒУЫ.

Реактивтер:этил спирті, хром қоспасы.

Құрғақ пробиркаға 3тамшы хром қоспасын және 1тамшы этил спиртін тамызады. Аздап қыздырады. Қызыл қоңыр ерітінді жасыл түске боялады және сірке альдегидіне тән иіс сезіледі.

Реакцияның химизмі:

№ 6 ЖҰМЫС. ФЕНОЛДЫҢ ТЕМІР ХЛОРИДІМЕН (III) РЕАКЦИЯСЫ.

Реактивтер:1% фенол ерітіндісі, 1% темір хлоридінің (III) ерітіндісі.

Пробиркаға 2-3 тамшы фенол ерітіндісін тамызады да үстіне 1тамшы темір хлоридінің (III) ерітіндісін тамызады. Ерітінді күлгін түске боялады. Фенолдар темір хлоридімен әртүсті комплексті қосылыстар түзеді, сондықтан бұл реакция фенолдарды ашуға сапалық реакция бола алады.

Реакцияның химизмі:

№ 7 ЖҰМЫС. БЕЛОКТЫ ФЕНОЛМЕН ТҰНБАҒА ТҮСІРУ.

Реактивтер:қаныққан фенолдың судағы ерітіндісі, белоктың судағы ерітіндісі.

Пробиркаға 2-3 тамшы фенол ерітіндісін тамызады да үстіне 1тамшы белок ерітіндісін тамызады. Ерітінді фенолдың әсерінен лайланады, яғни белок тұнбаға түседі. Фенолдың бұл әсері дезинфекциялауға қолданылады.

Реакцияның химизмі:

 

№ 8 ЖҰМЫС. диэтил эфирІН АЛУ.

Реактивтер:этил спирті, концентрлі күкірт қышқылы.

Құрғақ пробиркаға 2 тамшыдан этил спиртін және концентрлі күкірт қышқылын тамызады. Ерітінді қоңыр түске боялғанша қыздырады. Ыстық қоспаға тағы да 2 тамшы этил спиртін тамызады. Өзіне тән иісі бар диэтил эфирі түзіледі.

Реакцияның химизмі:

Диэтил эфирі медицинада наркоз ретінде қолданылады. Бірақ бұл жағдайда наркоз үшін деп жазылған ерекше таза диэтил эфирін қолданады.

№ 9 ЖҰМЫС. Окисление формальдегидТІ МЫС ГИДРОКСИДІМЕН (II) ТОТЫҚТЫРУ.

Реактивтер:10% формальдегид ерітіндісі, 2% мыс сульфатының ерітіндісі, 10% натрий гидроксидінің ерітіндісі.

Пробиркаға 3-4 тамшы натрий гидроксидінің ерітіндісін және мыс сульфатының ерітіндісін тамызады. Түзілген тұнбаға (мыс гидроксиді) 2-3 тамшы формальдегид ерітіндісін тамызады. Пробирканы сәл қыздырады. Алдымен сары түсті мыс гидроксидінің тұнбасы түзіледі, ол қызыл түсті мыс оксидіне (1) айналады.

Реакцияның химизмі:

Бұл реакция альдегидтерге сапалық реакция болып табылады.

№ 10 ЖҰМЫС. БЕЛОКТЫ ФОРМАЛИНМЕН ТҰНБАҒА ТҮСІРУ.

Реактивтер:белоктың судағы ерітіндісі, формалиннің (40% формальдегидтің судағы ерітіндісі).

Пробиркаға 3-4тамшы белок ерітіндісін, 1-2 тамшы формалинді тамызадыда араластырады. Формалиннің әсерінен белок тұнбаға түседі. Формалиннің дезинфекциялауға және анатомиялық препараттарды консервілеуге (сақтауға) қолданылуы осы қасиетіне негізделген.

 

№ 11 ЖҰМЫС. Цветная реакция на ацетон НЫҢ натрий нитропрус-сидІМЕН ТҮСТІ РЕАКЦИЯСЫ.

Реактивтер:6% натрий нитропруссидінің ерітіндісі, 10% р натрий гидроксидінің ерітіндісі, натрий-ацетон-сулы ерітіндісі, 10% натрий ацетатының ерітіндісі.

Пробиркаға 2-3тамшы натрий нитропруссидінің ерітіндісін Na2[Fe(CN)5NO], 1 тамшы ацетон ерітіндісін және 1 тамшы натрий гидроксидінің ерітіндісін тамызады. Ерітіндінің түсі қызыл түстен қызыл-сары түске айналады. 1-2 тамшы сірке қышқылын тамызады, сол уақытта қызыл-шие түс пайда болады.

Бұл реакция клиникада зәрден ацетонды ашуға қолданылады(қант диабетінде).

Реакцияның химизмі:

№ 12 ЖҰМЫС. ҚЫМЫЗДЫҚ ЖӘНЕ СІРКЕ ҚЫШҚЫЛДАРЫНЫҢ ДиссоциацияСЫ.

Реактивтер:10% сірке қышқылының ерітіндісі, қымыздық қышқылы, лакмус қағазы.

Бір пробиркаға 2-3тамшы сірке қышқылын тамызады, екінші пробиркаға бірнеше қымыздық қышқылының кристалдарын салады. Әр пробиркаға 5 тамшыдан су құйып араластырады. Ерітінділерге лакмус қағазын салып ерітінділердің қышқылдығын анықтайды. Қышқылдардың диссоцияциялануын жазыңдар

 

№ 13 ЖҰМЫС. ҚҰМЫРЫСҚА ҚЫШҚЫЛЫН КАЛИЙ ПЕРМАНГАНАТЫМЕН ТОТЫҚТЫРУ.

Реактивтер:калий перманганаты, 10% күкірт қышқылының ерітіндісі, барит суы, натрий формиаты.

Пробиркаға бірнеше натрий формиатының түйірін салыңыз, оған 3тамшы күкірт қышқылын және 2 тамшы калий перманганатын қосыңыз. Пробирканы газы шығатын түтігі бар тығынмен тығындайды, түтіктің төменгі жағын 4-5 тамшы барит суы бар пробиркаға салады да пробирканы қыздырады. Екі пробиркада қандай өзгерістер байқалады? Құмырысқа қышқылының калий перманганатымен тотығу реакциясын жазыңдар.

Реакцияның химизмі:

 

№ 14 ЖҰМЫС. СІРКЕ ҚЫШҚЫЛЫНЫҢ ТОТЫҚТЫРҒЫШТАРҒА ТҰРАҚТЫЛЫҒЫ.

Реактивтер:10% сірке қышқылының ерітіндісі, 0,5% калий перманганатының ерітіндісі, 10% күкірт қышқылының ерітіндісі.

Пробиркаға 2-3 тамшы сірке қышқылының ерітіндісін тамызады да үстіне 2-3 тамшы суды, калий перманганатын және күкірт қышқылын тамызады, пробирканы шайқап араластырады. Не байқалады? Құмырысқа қышқылы мен сірке қышқылының тотықтырғыштарға қатысы туралы қорытынды жасаңдар.

Реакцияның химизмі:

Газды жаққанда ол көгілдір түсті жалын береді.Осы реакция арқылы сірке қышқылын құмырысқа қышқылынан ажыратады, ол мұндай реакция бермейді.

 

№ 15 ЖҰМЫС. ҚЫМЫЗДЫҚ ҚЫШҚЫЛЫН КАЛЬЦИЙ ТҰЗЫ ТҮРІНДЕ АШУ.

Реактивтер:1% қымыздық қышқылының ерітіндісі, 5% кальций хлоридінің ерітіндісі.

Пробиркаға 2-3тамшы қымыздық қышқылының және 1 тамшы кальций хлоридінің ерітіндісін тамызады. Кальций оксалатының ақ тұнбасы түзіледі.

Реакцияның химизмі:

 

Кальций оксалатының кристалы клиникалық зерттеулерде зәрден анықталады.

№ 16 ЖҰМЫС. СІРКЕ-ЭТИЛ ЭФИРІН (ЭТИЛАЦЕТАТ) АЛУ

Реактивтер:сусыз натрий ацетаты,этил спирті, концентрлі күкірт қышқылы.

Құрғақ пробирканың деңгейі 2 мм-ге дейін толатын натрий ацетатының ұнтағын салады және үстіне 3 тамшы этил спиртін тамызады. Тағы да 2 тамшы концентрлі күкірт қышқылын тамызып қыздырады. Бірнеше секундтан кейін сірке-этил спиртіне тән хош иіс сезіледі.

Реакцияның химизмі:

Катализатор ретінде күшті қышқылдың (Н24) қатысымен жүрген этерификациялану реакциясы нуклеофилді орнбасу механизмі (SN) арқылы жүреді.

Бақылау:

Бұл сабақтың бағалау әдісі компотенциясына кіреді:

«Білім» компетенциясын бағалау: ауызша жауап беру, кіші топтармен жұмыс істеу (тәжірибелік жұмыстарды түсіндіре білу), жазбаша сұрау (билеттер немесе тесттер арқылы), үйге берілген тапсырмаларды орындау(жаттығулар мен тесттерді жасап келу) арқылы бағаланады.

 

БАҚЫЛАУ:

Жаттығулар

1) Адреналин – бүйрекүсті милы қабатының гормоны, норадреналин мен дофамин адреналиннің алғы заттары:

Функционалды топтарына қарай жіктелу сипаттамасын беріңіз және қышқылдық-сілтілік қасиеттерін анықтаңыз. Норадреналиннен адреналинді алу реакциясының схемасын жазыңыз.

2) Пропанол-2, бензил спирті, фенол, гидрохинон, этантиолдың қышқылдық қасиеттерін дәлелдеңіз. Қандай қосылыстар натрий гидроксидімен әрекеттесу арқылы қышқылдық қасиет көрсетеді? Реакцияларын жазыңыз. Келесі заттардың тотығу реакцияларын жазыңыз: 1) пропанол-2; 2) бензил спирті; 3) гидрохинон; 4) метанол; 5) метантиол. Осылардың ішінде кофермент Q-дың әсеріне ұшырайтын қандай реакция?

3) Келесі аминдердің негіздігіне радикалдар қалай әсер етеді: метиламин, метилэтиламин, анилин. Бұл аминдердің хлорлы сутекпен тұз түзу реакцияларын жазыңыз.

4) 3-гидрокси-2,2,4-триметилпентанальді алу үшін альдолдық конденсация реакциясында қандай заттар пайдаланылады?

5) Келесі түрөзгерістерді орындаңыз:

C2H5OH,Н+ KMnO4,H2O H2O,H+ NH3

акролеин А Б В Г

Өнімдерді атаңыз.

6) Төмендегі реакция схемаларын толықтырып жазыңыз:

Сірке қышқылы + НSКоА® А + Н2О

Малон қышқылы + НSКоА® В + Н2О

А + В Г

Бұл реакцияның биологиялық маңызын түсіндіріңіз.

7) Қымыздық қышқылы мен малон қышқылы қыздырғанда декарбоксилденеді,неге ангидридтер түзбейтіндігін түсіндіріңіз. Реакцияларын жазыңыз.

№7 Тәжірибелік сабақ

 

ТАҚЫРЫП: Биополимерлердің физика-химиялық қасиеттерінің ерекшеліктері. Белоктардың жалпы қасиеттері. Жоғарымолекулалық заттардың ісіну кинетикасын тәжірибе арқылы зерттеу. Пептидтер мен белоктарға сапалық реакциялар.

МАҚСАТЫ:

1. ЖМЗ молекулаларының құрылыс ерекшеліктеріне қарай ерітінділерінің физика-химиялық қасиеттерін түсіндіре білуге үйрету.

2. Полимердің ісіну кинетикасын және белоктың изоэлектрлік нүктесін анықтауға дағдыландыру.

3. α-аминқышқылдарына, пептидтерге, белоктарға сапалық реакциялар жасауға және алынған нәтижелерді дәлелдеуге дағдыландыру.

ОҚЫТУ МАҚСАТТАРЫ:

Білім алушының мүмкіндігі бар:

1) ЖМЗның әртүрлі типтерін атауға және белоктар мен биополимерлер ерітінділерінің негізгі қасиеттерін түсіндіруге.

2) Белоктардың тұрақтылықтарының бұзылуына себепші негізгі процестерді түсіндіре білуге.

3) Денатурация, тұз түзу (тұнбаға түсу), коацервация, синерезис, тиксотропия процестерінің анықтамаларын беру, физика-химиялық негізін және биологиялық рөлін түсіндіре білуге.







©2015 arhivinfo.ru Все права принадлежат авторам размещенных материалов.