В назидание душе моей
Внидите во врата его во исповедании, во дворы его в пениях. Псал. 99. Крепость моя и пение мое—Господь, и бысть мне во спасение. Глас радости и спасения в селениях праведных. Пс. 117. Прильпни язык мой гортани моему, аще не помяну тебе: аще не предложу Иерусалима, яко в начале веселия моего.Пс. 136. Изми мя от враг моих, Господи, к Тебе прибегох. Пс. 142. Вознесет кроткие во спасение. Пс. 149. Возношение Божие в гортани их. Из Притчей Царя Соломона. Совет добр сохранит тебя, помышление же преподобно соблюдет тебя. Не будь мудр о себе. Бойся же Бога, и уклоняйся от всякого зла. Не отрицайся благотворить требующему, когда может рука твоя помогать. Всяким хранением блюди твое сердце: от сих бо исходища живота. Отыми от себе строптива уста, и обидливы устне далече от тебе отрини. Очи твои право да зрят. Не уклонися ни на десно, ни на шуе. Да сохраниши мысль благую. Чти Господа, и укрепишися. Кроме же его не бойся иного. Храни моя заповеди и поживеши. Словеса же моя, яко зеницу ока. Премудр убоявся, уклониться от зла: безумный же на себе надеявся, смешивается со беззаконным. Острояростный без совета творит: муж же мудрый многое терпит. Страх Господень источник жизни, удаляющий от сетей смерти. Долготерпелив муж мног в разуме: малодушный же крепко безумен. Кроткий муж сердцу врач: моль же костем сердце чувственно. Кроткий ответ отвращает гнев, а оскорбительное слово возбуждает ярость. Не возлюбит ненаказанный обличающих его, с мудрыми же не побеседует. Лучше частица малая со страхом Господним, нежели сокровища велии без боязни. Губит себя мздоимец: ненавидяй же даров приятия спасется. Путие живота помышления разумного, да уклонився от ада спасется. Сердца праведных научаются вере: уста же нечестивых отвещают злая. Приближи к Господу дела твоя и утвердятся помышления твоя. Прежде сокрушения предваряет досаждение, прежде же падения злопомышление. Разумный в вещех обретатель благих: надеяйся же на Господа блажен. Премудрыя и разумныя злыми нарекут: сладцыи же в словеси множае, услышаны будут. Лучше муж долготерпелив, паче крепкого. Удерживаяй же гнев, паче вземлющего град. Лучше укрух хлеба с сластию в мире, нежели дом исполнен многих благих, и неправедных жертв с бранию. Якоже искушается в пещи сребро и злато, тако избранная сердца у Господа. Верному весь мир богатство, неверному же ниже пенязь. Не приличны суть безумному устне верны, ниже праведному устне лживы. Прикрывающий проступок ищет любви; а кто снова напоминает о нем, тот удаляет друга. Сокрушает прещение сердце мудрого: безумный же бием не чувствует ран. Прекословия воздвижет всяк злый: Господь же Ангела немилостива послет нань. Лице разумно мужа премудра: очи же безумного на концах земли. Иже щадит глагол произнести жесток, разумен: долготерпеливый же муж премудр, лучше ищущего науки. Праведный себе самого оглагольник, в первословии, егда же приложит супостат, обличается. Прекословия утомляет молчаливый, и во властех определяет. Брат от брата помогаем, яко град тверд и высок, укрепляется же, якоже основанное царство. Смерть и живот в руце языка; удерживающие же его снедят плоды его. Лучше есть убог ходяй в простоте своей, нежели богатый строптив устны своими и несмыслен. Идеже несть учения души, несть добро, и иже скор есть ногами, поткнется. Неразумие мужа погубляет пути его: и Бога виновна творит в сердце своем. Страх Господень в живот мужеви: а бесстрашный водворится на местах, идеже не наблюдается разум. Уготовляются невоздержным раны, и мучения подобне неразумным. Весь велик и мал, и мера сугуба, нечиста пред Господом обоя: и творяй я, в начинаниях своих запнется. Не люби клеветати, да не вознесешися: отверзи очи твои, и насыщайся хлеба. Иже хранит своя уста и язык, соблюдает от печали душу свою. Благодать и любы свобождает, в них же утверди себе, да не в поношении будеши, но сохрани пути твоя добре устроены. Якоже яблоко злато во усерязи сардийскаго камене, сице рещи слово при приличных ему. И якоже в усерязь златый сардийской камень многоценной вяжется, сице слово премудро во ухо благопослупшо. Якоже оцет неполезен вреду, и дым очима: так припадшая страсть в телеси сердце оскорбляет. Аще алчет враг твой, ухлеби его: аще ли жаждет, напой его. Господь же воздаст тебе благая. Якоже птицы отлетают и врабиеве, тако клятва суетная не найдет ни на кого же. Блажен муж, иже боится всех за благоговение: а жестокосердый впадает в злая. Обличаяй человечи пути, благодать имать паче языком ласкающаго. Иже не срамляется лица праведных, не благ: таковы! за укруг хлеба продает мужа. Неверный муж судит туне; а иже надеется на Господа, в прилежании будет. Иже надеется на дерзо сердце, таковый безумен: а иже ходит в премудрости, спасется. Аще увидиши мужа скора в словесех, разумей, яко упование имать паче его безумный. Досаждения мужа смиряет; а смиренныя утверждает Господь в славе. Двое прошу у тебе: не отыми от мене благодати прежде умертвия моего. Суетно слово и ложно далече от мене сотвори. Сыне, отверзай уста твоя слову Божию, и суди вся здраво: отверзай уста твоя, и суди праведно, рассуждай же убога и немощна. Из Екклизиаста Мудрого очи его во главе его, а безумный во тьме ходит. Яко приходит соние во множестве попечения: так и глас безумного во множестве словес. Сердце мудрых в дому плача: а сердце безумных в дому веселия. Благо еще слышати прещения премудра, паче мужа слышащего песнь безумных. Якоже гласи терния под котлом,—так смех безумных: и сие суета. Благ терпеливый паче высокого духом. Не тщися в духе своем яритися; яко ярость в недре безумных почиет. И силы укрепит, и изобилие мужу мудрость. Словеса уст премудрого благодать; устне же безумного потопят его. Бога бойся, и заповеди его храни. Больше сея любви никто же имать, да кто душу свою положит за други своя. Иоан. гл. 15, 13. Якоже он—Христос за нас душу свою положи, и мы должны есмы по братии души полагати. Сего убо желает Христос. Христос сам говорит в Песни Песней: Добра еси ближняя моя, яко благословение, красна, яко Иерусалим. (Сие разумеется о Церкви). Что украсилася еси? И что усладилася ему? Любы в сладостех. И положи мя, яко печать на сердцы твоем, яко печать на мышцы твоей: зане крепка, яко смерть любы, жестока, яко ад, ревность. Вода многа не может угасити любве, и реки не потопят ее: аще даст муж все имение свое за любовь уничижением уничижать его... (сие о Православной Церкви разумеется). Она есть село, или поле Божие, плодоносящее, ее же добродетели и силы суть велии, до коих мученики, любя Христа, достигли. Пророка Иоиля увещание к покаянию. Гл. 1, 6. Утрезвитися пиянии от вина своего, и плачитеся: рыдайте вси пиющии вино до пиянства, яко отъяся от уст ваших веселие и радость. Понеже язык взыде на землю мою крепок и безчислен (под сим изречением можно разуметь свое тело, и бесчисленные душевные страсти, которые восходят и сильно действуют на любящих упиваться вином. — Да и бесовское полчище именуется: язык чужд). И ныне глаголет Господь Бог ваш: обратитеся ко мне всем сердцем вашим, в посте, и в плаче, и в рыдании, и расторгните сердца ваша, а не ризы ваша, и обратитеся ко Господу Богу вашему: яко милостив и щедр есть. (Гл. 2). Пророка Михея. Гл. 6,7 Возвестися бо тебе, человече, что добро, иди чесого ищет от тебе Господь, разве еже творити суд, и любити милость, и готову быти, еже ходити с Господом Богом твоим. Гл. 7. У люте мне! Понеже бых аки собирали сламу на жатве, и яко пародок во обимании винограда не сущу гроздию, еже ясти первоплодная, еже вожделе душа моя. У люте мне душе! яко погибе благочестивый от земли, и исправляющаго в человецех несть. Вси в кровех прятся, кийждо ближняго своего озлобляет озлоблением, на зло руки своя уготовляют: князь просит, и судия мирные словеса глаголет: желание души его есть, и отыму благая их. Пророка Софонии. 3 Гл. И оставлю в тебе люди кротки и смиренны, и будут благоговети о имени Господни.—Останцы Израилевы и не сотворят неправды, и не возглаголют суетных, и не обрящется во устех их язык льстив. Пророка Захарии. Гл. 7. Глаголет Господь Вседержитель: суд праведен судите, и милость и щедроты творите кийждо брату своему,—и злобы кийждо брата своего да не помнить в сердцах своих. Глаголите истину кийждо искреннему своему. Истину и суд мирен судите во вратех ваших и клятвы лживыя не любите: зане вся сия возненавидех, глаголет Господь Вседержитель. Пророка Малахии. Гл. 3. И обратиться, и увидите между праведным и между беззаконными и между служащим Богови, и неслужащим ему. Яко се день грядет горящь, яко пещь, и попалить я: и будут вси иноплеменницы, и вси творящии беззаконная, яко стеблие: и возжжет я день Господень грядый, глаголет Господь Вседержитель, и не останется от них корень, ниже ветвь. И возсияет вам боящимся имене моего солнце правды, и исцеление в крилех его: и изыдете, и взыграете, яко тельцы от уз разрешени: и поперете беззаконники, и будут пепел под ногами вашим и, в день в оньже аз сотворю, глаголет Вседержитель. Гл. 4. Пророка Исаии. Гл. 11. И почиет на нем Дух Божий, дух премудрости и разума, дух совета и крепости, дух ведения и благочестия: исполнит его дух страха Божия. Не по славе судити имать, ниже по глаголанию обличит: но судит правдою смиренному суд, и обличит правостию смиренныя земли: и поразит землю словом уст своихъ, и духом устен убиет нечестиваго: и будет препоясан правдою о чреслех своих, и истиною обвить по ребрам своим. Се Бог мой, Спас мой, уповая буду на него и не убоюся: зане слава моя и похвала моя Господь, и бысть ми во спасение. И покорю укоризну беззаконных, и укоризну гордых смирю. Пусть бо Господень суд: уповахом на имя твое и память, ея же желает душа наша. От нощи утреннюет дух мой к тебе Боже; зане свет повеления твоя на земли. Преста бо нечестивый: всяк, иже не научится правде на земли, истины не сотворит: да возьмется нечестивый, да не видит славы Господни. И рече беззаконник, и погибе гордый, и потребишася вси беззаконнующии в злобе, и творящии согрешати человеки в слове. Горе чада отступившая, сия глаголет Господь: сотвористе совет не мною, и заветы не Духом моим, приложити грехи ко грехом. Тако глаголет Господь, Господь Святый Израилев: егда возвратився воздохнеши тогда спасешися, и уразумевши, где еси был: егда уповал еси на суетная; тщетна крепость ваша бысть, и не хотесте послушати. И призва Господь, Господь Саваоф в той день плач и рыдание, и острижение, и препоясание во вретища: тии же сотвориша радость и веселие, закалающие тельцы, и жруще овцы, яко ясти мяса, и пити вино, глаголюще: да ямы и пием; утре бо умрем. И откровенна сия суть во ушию Господа Саваофа, яко не оставится вам той грех, дондеже умрете.
©2015 arhivinfo.ru Все права принадлежат авторам размещенных материалов.
|