Сельметь монень пеедить
Мон аволь тонь… Учинь эйсэть… Тон аволь монь… Мон аволь тонь…
***
Пиже валскестэ… Ков ливтят, либордый нармунь, Вешнят мезть эрямоват?
***
Урнэ Урнэ, урнэ… Чулят пурны, Чувто прясо пешть чулгси. Морот морси, киштни, налкси, Телес пизэ аноксты. Вирень ялга! Ульть тень ялгакс, Карман мартот налксеме, Нармушкинекс мельга-мельцек Чувто прява пансеме.
*** 2014 ие.
Телесь сы
Васень ловнэсь пандо прятнень Ашо почтсо почоды, Пани пельтнень кельме вармась, Шрапо виресь чополды… Якшаматясь ведтенть ланга Эень мазый коцт коды, Курок телесь карми азоркс. Течи эзь са?! Сы ванды!
*** 2014 ие.
Эйзюрковонь гайтть
Эйзюрковонь гайтть - эйзюрковонь мельть, А онкставицят - валдо менель сэрть, Маней читнень перть - жойни керьбеведь, Тундось таго сась - талновты ойметь….
*** Ноорожорчонтень морыне Ноорожорч, ноорожорч! Морык жойни морынеть, Тердик Норовавиненть, Максозо сон маней чить, Улест лембе пиземнеть, Панжост мазый цецинеть, Ливтяст бизны мекшинеть, Теест нармунть пизынеть, Соласт ловонь шушминеть, Чадост, чудест лейнетне, Жольнест чудикерькскетне, Панжост минек паксятне, Штавтост пиреть, уматне, Лисест лугав ракшатне, Мораст морост эрзятне! Паз, чангодть!
***
Утю-балю… (Утякстнема морыне)
Чизэ валги, Тештьке налки, Утю-балю, эйдинем… Утю-балю, Утю-балю, Седей нилькскем, эйкакшкем…
Оймась вармась, Опамсть шалтнэ, Утю-балю, валдынем… Утю-балю, Утю-балю, Седей нилькскем, эйкакшкем…
Чийнить-касыть, А весть пракшныть, Оймсек-удок, тиринем… Утю-балю, Утю-балю, Седей нилькскем, эйкакшкем…
Ават вакссот, Налкшкеть прялкссот, Утю-балю, покольнем… Утю-балю, Утю-балю, Седей нилькскем, эйкакшкем…
Онот валдот, Кеняркст кандост, Утю-балю, чинь пелькскем… Утю-балю, Утю-балю, Седей нилькскем, эйкакшкем…
*** 2014 ие.
Суронь ловомка Сурнэ, сурнэ, косо ульнить?
***
©2015 arhivinfo.ru Все права принадлежат авторам размещенных материалов.
|