АКТ прыняцця выкананай працы

г. Мінск "__"__________ 1993г.

Мы, ніжэйпадпісаныя, камісія ў складзе________________з аднаго боку,

і гр. __________________ з другога боку, склалі гэты Акт аб тым, што Наймальнiк прыняў, а Выканаўца здаў выкананую працу згодна з Дагаворам падраду №_____ ад "__"________1993г.

Камісія лічыць, што праца выканана________________і падлягае аплаце ў суме _______________________рублёў, аб чым і складзены гэты Акт.

Працу прыняў: Працу здаў:

Камісія:______________ Выканаўца:____________________________

( подпіс)

§39 РАСПІСКА

Распіска падцвярджае факт атрымання пэўнай асобай матэрыяльных каштоўнасцей (грошай, рэчаў, кніг і г.д.) або важных дакументаў на часовае ці сталае карыстанне. У праве распіска – адзін з відаў пісьмовых доказаў.

Форма распіскі: 1) назва дакумента; 2) хто атрымаў; 3)ад каго атрымаў; 4) што атрымаў (пералік каштоўнасцяў, іх колькасць пішацца словамі і лічбамі); 5) для якой мэты; 6) дата, подпіс.

У З О Р

РАСПІСКА

Я, Герасімец Васіль Сяргеевіч, уласны прадпрымальнік, пашпарт МР 119005, атрымаў ад генеральнага дырэктара фірмы “Іванов” пазыку на суму 1 000 000 (адзін мільён) беларускіх рублёў на набыццё гандлевага абсталявання.

Абяцаю вярнуць да 15 верасня 2007 года.

25 студзеня 2005 г. Герасімец.

ТЭРМІНЫ

Аблігацыя. Каштоўная папера, якая дае яе трымальніку права на даход у выглядзе выйгрышу або працэнтаў.

Авіза. Пісьмовае паведамленне пра змены ва ўзаеманых разліках, якое пасылаецца адным контрагентам іншаму або банкам, каб паведаміць яму пра адкрыцце акрэдытыва, перавод грошай і ў іншых выпадках.

Авуары. 1. Розныя актывы, за кошт якіх могуць рабіцца плацяжы і пагашэнні абавязацельстваў іх уладальніка. 2. У вузкім сэнсе – сродкі банка (яго каса, рахункі , каштоўныя паперы і пад) у замежнай валюце, якія знаходзяцца на яго рахунках у замежных банках.

Адміністраванне. 1. Кіраванне, загадванне. 2. Перан. Фармальна-бюракратычнае кіраванне, якое ажыццяўляецца толькі шляхам загадаў і камандавання, без глы-бокага вывучэння сутнасці справы.

Акордная заработная плата Адна з формаў заработнай платы. Налічваецца за ўвесь загадзя вызначаны аб'ём працы.

Акрэдытыў1. Від банкаўскага рахунку, які дае магчымасць контрагенту атрымаць на ўмовах, паказаных у акрэдытыўным даручэнні, плату за тавар, работы, паслугі адразу пасля выканання абавязацельства. 2. Імянная каштоўная папера, што сведчыць права асобы, на імя якой яна выпісана, атрымаць у крэдытнай установе вызначаную ў акрэдытыве суму.

Акт Афіцыйны дакумент; пратакол, запіс аб якім-небудзь юрыдычным факце. Акты грамадзянскага (цывільнага) стану. Запісы спецыяльнымі органамі фактаў нараджэння, смерці, шлюбу і пад.

АктывыПрыналежныя прадпрыемству, арганізацыі маёмасць, тавары, каштоўныя паперы, грашовыя сродкі, уключаючы сумы, не запатрабаваныя з іншых прадпрыемстваў іншых даўжнікоў. Актывы — састаўная частка балансу прадпрыемства, дзе ў актыўнай частцы паказваюцца яго сродкі, іх размяшчэнне па стадыях узнаўлення, у пасіўнай частцы адлюстроўваюцца крыніцы сродкаў, згрупаваныя паводле іх паходжання: уласныя сродкі, прыцягненыя часова ў абарачэнне, пазыковыя, мэтавае фінансаванне і пад.

Амартызацыйны фонд. Фонд грашовых рэсурсаў, што ўтвараецца за кошт амартызацыйных адлічэнняў і прызначаны для ўзнаўлення асноўных фондаў.

Амартызацыя. Паступовы перанос вартасці вытворчых асноўных фондаў на кошт гатовай прадукцыі; мэтавая акумуляцыя грашовых сродкаў і іх наступнае выкарыстанне для ўзнаўлення зношаных асноўных фондаў.

БалансРаўнавага, сістэма паказчыкаў, што характырызуюць стан узаемазвязаных велічынь, якія знаходзяцца ўвест час у змяненні.

Банк. Крэдытна-фінансавая установа, што ажыццяўляе аперацыі, звязаныя з акумуляцыяй грашовых сродкаў і пасрэдніцтвам у выплатах (пасіуныя аперацыі), а таксама скарыстанне фондаў банкаускага крэдытавання шляхам выдачы розных пазык (актыуныя аперацыі).

Бартэр. Безвалютны, але ацэнены і збалансаваны абмен таварамі, які афармляецца адзіным дагаворам. Ацэнка тавараў праводзіцца з мэтай стварыцьумовы для эквівалентнасці абмену, а таксама для мытнага ўліку, вызначэння страхавых сум, ацэнкі прэтэнзій, налічэння сагасцый.

БізнесПрадпрымальніцкая дзейнасць, накіраваная на павелічэнне першапачатковага капіталу.

Біржа Установа, у яхой ажыццяўляецца купля-продаж каштоўных папер (фондавая біржа), валюты (валютная біржа), масавых тавараў, што прадаюцца па стандартах ці ўзорах (таварная біржа), пасрэдніцкія аперацыі на рынку працы (біржа працы);

БюджэтПлан паступлення даходаў у распараджэнне дзяржавы і іх выкарыстання за пэўны тэрмін. Азначае таксама падлік чаканых даходаў і выдаткаў дзяржавы, прадпрыемства, установы, арганізацыі або асобы за пэўны тэрмін.

Бюджэтны дэфіцыт. Перавышэнне выдаткаў дзяржаўнага бюджэту над яго даходамі.

ВалютаГрашовая адзінка краіны, што ўдзельнічае ў міжнародным эканамічным абмене і іншых міжнародных сувязях, пры якіх адбываюцца грашовыя разлікі. На практыцы валюта выкарыстоўваецца ў форме нацыянальных банкнотаў, а таксама плацежных сродкаў і крэдытных інструментаў разліку (чэкі, тратты, пераводы і пад.).

У шырокім разуменні валюта — грашовая сістэма і грашовая адзінка якой-небудзь краіны (рубель, злоты, долар і г. д.).

Валютны курс. Прапорцыя абмену валют розных краін. У большасці валют свету гэтыя курсы ўвесь час вагаюцца, адлюстроўваючы змену сітуацыі на валютных рынках.

Валютныя рынкі. Нацыянальныя і міжнародныя банкі, біржы, праз якія праводзяцца купля, продаж, абмен замежнай валюты, чэкаў, вэксаляў, пераводаў, іншыя грашовыя разлікі, звязаныя са знешнім гандлем, замежнымі капіталаўкладаннямі, турызмам і інш.

ДагаворПісьмовае або вуснае пагадненне пра ўзаемныя абавязацельствы.

Датацыя.Дзяржаўная дапамога прадпрыемствам, установам і арганізацыям для пакрыцця страт або на іншыя мэты; даплата, матэрыяльная дапамога.

ДывідэнтДаход, які выплочваецца трымальнікам акцый акцыянернага таварыства з яго прыбытку па выніках гаспадарчай дзейнасці за год на падставе рашэнняф агульнага сзоду акцыянераў.

Дэкларацыя1. Афіцыйнае абвяшчэнне якіх-небудзь заяў, прынцыпаў, а таксама дакумент, у якім яны выкладзены. 2. Назва некаторых афіцыйных дакументаў з паведамленнемі якіх-небудзь патрэбных звестак (падатковая дэкларацыя, мытная дэкларацыя, паштовая дэкларацыя).

Дэфіцыт 1. Недахоп чаго-небудзь, нястача ў чым-небудзь. 2. Страта, перавышэнне выдаткаў над даходамі. Паняцце дэфіцыту можа адносіцца як да грашовых рэсурсаў, так і да матэрыяльных каштоўнасцяў. Дэфіцыт плацежнага балансу — перавышэнне замежных выдаткаў краіны над даходамі з-за мяжы.

Еўрапейская эканамічная супольнасць Эканамічна-палітычны саюз заходнееўрапейскіх дзяржаў. Цяпер у ято ўваходзяць 12 краін (ФРГ, Францыя, Італія, Бельгія, Нідэрланды, Люксембург, Вялікабрытанія, Данія, Ірландыя, Грэцыя, Іспанія, Партугалія).

Еўрапейскі інвестыцыйны банк. Крэдытны інстытут Еўрапейскай эканамічнай супольнасці (ЕЭС), заснаваны ў адпаведнасці з Рымскім дагаворам ад 25.03.1957 аб стварэнні ЕЭС

Інфраструктура Група галін, сфераў, прадпрыемстваў, устаноў і арганізацый, якія забяспечваюць функцыянаванне народнай гаспадаркі. Адрозніваюць інфраструктуру вытворчую, сацыяльную, рынкавую.

Іск. Зварот у суд з патрабаваняем пра абарону грамадзянскіх правоў. Прад’явіць іск. Задаволіць іск. Адмовіць у іску. Сустрэчны іск — іск, які прад'яўляе адказчык істцу.

Калектыўны дагавор. Лакальны нарматыуны акт, што рэгулюе працоўныя і сацыяльна-эканамічныя адносіны паміж наймальнікам і работнікамі, якія ў яго працуюць.

Канверсаванасць валюты Здольнасць нацыянальнай валюты свабодна абменьвацца на замежныя валюты ў любой форме і ва ўсіх відах аперацый без абмежаванняў. Канверсія. Перапрафіляванне ваеннай вытворчасці і выпуск прадукцыі цывільнага прызначэння.

Кансалтынг Кансультаванне прадаўцоў і пакупнікоў па пытаннях эканмічнай дзейнасці прадпрыемстваў, фірмаў, арганізацый, уключаючы паслугі па даследаванні і прагназа-ванні рынку, цэнаў, па правядзенні комплексу маркетынгавых даследаванняў, аналізе фінансава-гаспадарчай. дзейнасці прадпрыемства з улікам унутранага і вонкавага асяродцзя, па ацэнцы гандлёва-палітычных умоў, экспартна-імпартных аперацый і інш.

Кантракт. Дагавор, пагадненне з узаемнымі абавязацельствамі для дагаворных бакоў. Кантракт ф'ючарсны (біржавы). Дагавор на пастаўку тавару ў будучым, дзе уніфікаваны практычна ўсе ўмовы: якасць, колькасць, умовы пастаўкі, плацяжы, упакоўка, парадак разгляду спрэчак і г. д.

Кантрольны пакет акцый. Засяроджаная ў руках адной юрыдычнай ці фізічнай асобы доля акцый, якая дае магчымасць ажыццяўляць фактычны кантроль над акцыянерным таварыствам.

Камюніке.Паведамленне, заява, апублікаваныя кіраўніцтвам для вырашэння якіх-небудзь пытанняў.

Каціроўка 1. Вызначэнне біржавай цаны каштоўных папер і тавараў. 2. Абарачэнне каштоўных папер ці тавараў на біржы.

Каштоўныя паперы. Належным чынам аформленыя дакументы, што выражаюць маёмасныя адносіны паміж членамі грамадства, пацвярджаюць права на неійкую маёмасць або грашовую суму і не могуць быць рэалізаваны ці перададзены іншай асобе без наяўнасці і прад'яўлення адпаведнага дакумента. Да каштоўных папер належаць, акцыі, аблігацыі, вэксалі, акцэпты, чэкі, ноты, дэпазітныя і інвестыцыйныя сертыфікаты, камерцыйныя паперы.

Крэдыт 1. Даванне тавараў або грошай у доўг. Доўгатэрміновы крэдыт. 2. мн. л. (крэдыты, -ау). Грашовыя сумы, адпушчаныя на пэўныя выдаткі. Крэдыты на ахову здароўя.

Ліквіднасць Стабільнасць актываў прадпрыемстваў, фірмаў ці банкаў, якая забяспечвае магчымасць (здольнасць) бесперабойна аплочваць у тэрмін усе іх абавязацельствы, законна прад'яўленыя ім грашовыя патрабаванні.

Маёмасць. Рэчы, прадметы, каштоўнасці, якія належаць каму-небудзь, знаходзяцца ў чыім-небудзь уладанні. Дзяржаўная маёмасць. Нерухомая маёмасць — маёмасць, якая складаецца з зямельнага ўчастка і бу-дынкаў. Рухомая маёмасць — маёмасць, якая складасцца з каштоўнасцяў, рэчаў, мэблі і пад.

Манаполія 1. Выключнае права (вытворчасці, гандлю, промыслу і г. д.), якое належыць адной асобе, пэўнай групе асоб ці дзяржаве. 2. Тып эканамічных адносін, пры якіх прадпрымальнікі могуць навязаць сваім канкурэнтам і грамадству ўмовы, што адпавядаюць інтарэсам сваіх прадпрыемстваў. Манапольная цана.

Мараторый Адтэрміноўка выканання абавязацельстваў, пераважна плацежных, якая абвяшчаецца дзяржавай у сувязі з надзвычайнымі абставінамі (вайной, крызісам і пад.).

Маркетынг Комплексная сістэма арганізацыі вытворчасці і збыту прадукцыі, арыентаваная на задавальненне патрэб канкрэтных спажыўцоў і атрыманне прыбытку на аснове даследавання і прагназавання рынку, распрацоўкі стратэгіі і тактыкі паводзін на рынку з дапамогай маркетынгавых праграм.

Мемарандум1. Дыпламатычны дакумент з выкладам поглядаў урада на якое-небудзь пытанне. 2. У гандлі — ліст з напамінам пра што-небудзь; у рахункаводстве — напамінак пра запазычанасць. 3. Дакладная запіска, службовая даведка па якім-небудзь пытанні.

Менеджмент 1. Кіраванне вытворчасцю або якой-небудзь арганізацыяй. 2. Сістэма прынцыпаў, метадаў, сродкаў і формаў кіравання, якія распрацоўваюцца і выкарыстоўваюцца ў развітых краінах для павышэння эфектыўнасці вытворчасці або якой іншай грамадскай дзейнасці

Намінал Намінальная вартасць, абазначаная на грошах, акцыях і пад.; цана тавару, пазначаная ў прэйскурантах або на таварах. Продаж па намінале.

Нота.Дыпламатычны зварот адной дзяржавы да другой

Пакт.Міжнародны дагавор, звычайна значнага палітычнага значэння.

Прадпрымальніцва. Ініцыятыўная, у рамках дзейнага заканадаўства, гаспадарчая дзейнасць суб'ектаў уласнасці на сваю рызыку і пад сваю масмасную адказнасць па фармаванні арганізацыйных і эканамічных умоў для вытворчасці прадукцыі, арганізацыі збыту тавараў і ажыішяўленні іншых камерцыйных аперацый

Пралангацыя Працяг тэрміну дзеяння якога-небудзь дагавору, пагаднення і пад.

Прыватызацыя Набыццё фізічнымі і юрыдычнымі асобамі права ўласнасці на аб'екты, якія належаць дзяржаве.

Рэнтабельнасць.Адзін з комплексных паказчыкаў эканамічнай эфектыўнасці працы прадпрыемства, аб’яднаня, галіны, народнай гаспадаркі ў цэлым за пэўны перыяд.

СабекоштГрашовае выражэнне сукупных затрат прадпрыемства на выраб і рэалізацыю прадукцыі.

Свабодна канверсаваная валюта. Валюта, якая свабодна і неабмежавана абменьваецца на замежныя валюты.

Статут. Збор правілаў, палажэнняў, якія вызначаюць дзейнасць і форму дзейнасці якой-н. Арганізацыі, структуры.

Тавар Прадукт працы, выраблены на продаж.

Тэндэр Цана, прапанаваная прадпрыемствам, прьг ўстанаўленні якой зыходзяць перш за ўсё з цэнаў, што могуць назначыць канкурэнты, а не з узроўню ўласных выдаткаў або велічыні попыту на тавар.

Фонд спажывання Частка нацыянальнага даходу, за кошт якой задавальняюцца матэрыяльныя і духоўныя патрэбы членаў грамадства.

ХарактарыстыкаАфіцыйны дакумент, у якім змяшчаецца водгук пры чыю-небудзь працоўную і грамадскую дзейнасць.

ЦанаГрашовае выражэнне якасці тавару. Дагаворная цана – цана, якая вызначаецца паводле дамоўленасці паміж вытворцам і спажыўцом. Аптовая цана- цана, па якой прадпрыемствы і арганізацыі рэалізуюць вырабленую імі прадукцыю іншым прадпрыемствам, арганізацыям, усім катэгорыям пакупнікоў апрача насельніцтва. Манапольная цана – спецыфічная форма рыначнай цаны тавару, што устанаўляецца манаполіямі на ўзроўні, вышэйшым або ніжэйшым за цану вытворчасці або кошту тавару і забяспечвае ім атрыманне звышпрыбытку. Рознічная цана – цана, па якой тавары прадаюць насельніцтву.

Эканоміка.Сукупнасць вытворчых адносін пэўнай грамадска-эканамічнай фармацыі, эканамічны базіс грамадства.

⇐ Предыдущая 11 12 13 14 15 16 171819 20 Следующая ⇒